Ekspozita e Pikturës “Çfarë na Transmeton Junusi?”
Në kuadër të vitit 2021 si Viti i Junus Emresë, Instituti Junus Emre Tiranë në bashkëpunim me Fondacionin e Rinisë Turke (TÜGVA), Fakultetin e Arteve të Bukura, Universiteti i Arteve në Tiranë dhe Air Albania organizuan ekspozitën e pikturës “Çfarë na Transmeton Junusi?”.
Punimet e artistëve të rinj që morën pjesë në konkurs nga Shqipëria, Turqia, Bosnja Hercegovina, Mali i Zi, Bullgaria dhe Maqedonia e Veriut ishin pjesë e ekspozitës që u hap në Galerinë FAB më 8 shtator 2021.
Në ekspozitën që u ndoq me interes të madh nga media dhe artdashësit, morën pjesë Ambasadori i Republikës së Turqisë në Tiranë z. Murat Ahmet Yörük, Kryetari i TÜGVA z. Enes Eminoğlu, Zv. Kryetari i Gjysmëhënës së Kuqe z. İsmail Hakkı Turunç, Dekani i Fakultetit të Arteve të Bukura z. Artan Peqini, Drejtori Ekzekutiv i Air Albania z. Sinan Dilek, Drejtori i Institutit Junus Emre Tiranë z. Ömer Osman Demirbaş dhe diplomatët e Ambasadës së Turqisë.
Në fjalimet e tyre, anëtarët e protokollit folën për mesazhet universale të poezive të Junus Emresë si paqja, humanizmi etj.
Pas ceremonisë, fituesit do të bëjnë një udhëtim në Turqi.
Diğer Etkinlikler
Në hapjen e ekspozitës së...
Në hapjen e ekspozitës së...