Në Tiranë u organizua aktiviteti “Diplomacia e Gastronomisë”
Kuzhina turke, e cila renditet e para ndër kuzhinat botërore, promovohet në të gjithë botën nga Instituti Junus Emre në kuadër të aktivitetit “Diplomacia e Gastronomisë”.
Me datë 09.10.2021, nën kujdesin e Ambasadës së Republikës së Turqisë në Tiranë, Instituti Junus Emre Tiranë në bashkëpunim me Degën e Fodacionit Turk Maarif në Republikën e Shqipërisë organizuan aktivitetin "Diplomacia e Gastronomisë" në Xheko Imperial Hotel, ku si folëse ishte shefja jonë e kuzhinës me famë botërore znj. Ebru Baybara Demir.
Në aktivitetin ku u prezantuan ushqimet turke, master shefja e ardhur nga Turqia znj. Ebru Baybara Demir ndau me të ftuarit përvojën dhe projektet e saj.
Në aktivitet morën pjesë bashkëshortja e Ambasadorit të Republikës së Turqisë në Tiranë znj. Ayşegül Erdal Yörük, Drejtori për Shqipërinë i Fondacionit Turk Maarif z. Mesut Özbaysar, Drejtori i Institutit Junus Emre Tiranë z. Ömer Osman Demirbaş, nxënësit tanë të turqishtes në Shqipëri dhe drejtorët e shkollave ku japim lëndën e turqishtes.