Me rastin e shpalljes së vitit 2021 si Viti i Junus Emresë, Instituti Junus Emre Tiranë në bashkëpunim me Fondacionin e Rinisë Turke (TÜGVA) dhe Fakultetin e Arteve të Bukura, Universiteti i Arteve në Tiranë organizon Konkursin e Pikturës Junus Emre 2021.

Konkurentët do të përzgjedhin një nga strofat e poezive të Junus Emresë të zgjedhura nga komisioni dhe të pasqyruara në website për të realizuar punimin e tyre dhe gjatë aplikimit duhet të përcaktojnë strofën ku është bazuar punimi i tyre.

Në konkurs do të marrin pjesë nxënësit dhe studentët nga mosha 18 vjeç deri në 30 vjeç nga Shqipëria, Kosova, Maqedonia e Veriut, Bosnje-Hercegovina dhe Turqia.

Për fituesit do të organizohet një udhëtim në Stamboll.

Aplikimet do të bëhen nga data 16.06.2021-22.08.2021 nga linku https://tiran.yee.org.tr/tr/tiran-resim-yarismasi-2021.

Rregulloren e konkursit dhe strofat e Junus Emresë në turqisht, shqip dhe boshnjakisht mund t’i shkarkoni nga dosjet e mëposhtme.